Ցանկանում ենք շարունակել հաղթական ուղին․ Սանդրո Պերկովիչ (տեսանյութ)
Կոնֆերենցիաների լիգայի հիմնական փուլի 2-րդ տուրի «Ունիվերսիտատեա Կրայովա»-«Նոա» հանդիպումից առաջ տեղի է ունեցել «Նոայի» կիսապաշտպան Տակուտո Օշիմայի ու գլխավոր մարզիչ Սանդրո Պերկովիչի նախախաղային ասուլիսները․
Ներկայացնում ենք Պերկովիչի ուշագրավ մտքերը․
«Կրայովան լավ թիմ է, որն ունի բարձրոակ ֆուտբոլիստներ։ Նրանք լավ մրցաշրջան են անցկացնում։ Չեմ առանձնացնի որևէ ֆուտբոլիստի, յուրաքանչյուրն առանձնահատուկ է։ Մենք նույնպես ունենք որակյալ ֆուտբոլիստներ ու լիգայի փուլը սկսել ենք հաղթանակով և ցանկանում ենք շարունակել այդ ուղին։ Ուրախ ենք, որ կարող ենք խաղալ այս մակարդակում, ոգևորված ենք այս խաղով և վստահ եմ, որ մեր ցուցադրած խաղը կուրախացնի մեր երկրպագուներին»։
«Վստահ եմ, որ ունենք հստակ պատկերացում մրցակցի մասին։ Վստահ եմ նաև մեր խաղի վրա»։
«Մենք պետք է լինենք մեր առավելագույն մակարդակի վրա, եթե ցանկանում ենք միավոր վերցնել այստեղից, իսկ մենք ուզում ենք»։
«Ֆուտբոլիստներն ամբողջվին պատրաստ են։ Նրանք մոտիվացված են, կենտրոնացած և ես զգում եմ, որ սպասում են վաղվա խաղին»։
«Վերջերս ունենք որոշ խնդիրներ գրոհների եզրափակման հատվածում։ Կարծում եմ, որ խնդրի լուծումը կգտնենք աշխատասիրությամբ ու նվիրվածությամբ։ Մենք ունենք շանսեր գոլ խփելու, սա ֆուտբոլ է, հնարավոր է ամեն ինչ կատարյալ անես ու գնդակը չհատի գիծը»։
Մանրամասն տեսանյութում․
Հիշեցնենք, որ «Ունիվերսիտատեա Կրայովա»-«Նոա» հանդիպումը կկայանա հոկտեմբերի 23-ին և կմեկնարկի 23։00-ին։
