Ըմբշամարտի Մ23 ԱԱ․ Սուրեն Աղաջանյանը՝ բրոնզե մեդալակիր

Սերբիայի Նովի Սադ քաղաքում ընթացող հունահռոմեական ոճի ըմբշամարտի մինչև 23 տարեկանների աշխարհի առաջնությունում մրցելույթներն ավարտեցին 60 քաշային ըմբիշները։

Այս քաշային կարգում Հայաստանի ներկայացուցիչ Սուրեն Աղաջանյանը նվաճեց բրոնզե մեդալի՝ 8։0 հաշվով հաղթելով Մաքսվել Բլեքին։

Աղաջանյանը 1/8 եզրափակիչում զիջել էր աշխարհի նորընծա չեմպիոն, ճապոնացի Կոտո Գոմիին։ Սփոփիչ գոտեմարտում հայ ըմբիշը 10։0 հաշվով ջախջախելով իսրայելի ներկայացուցիչ Մելկամու Ֆետենեին՝ իրավուն ստացավ պայքարելու բրոնզե մեդալի համար։

Հիշեցնենք, որ ավելի վաղ հայ ըմբիշներից պայքարն ավարտել էին 55 կգ քաշային Արայիկ Թոփալյանը, 63 կգ քաշային Դավիթ Ջոտյանը, 67 կգ քաշային Ռուբեն Միրանյանը, 72 կգ քաշային Գասպար Տերտերյանը, 77 կգ քաշային Սամվել Տերտերյանը, 82 կգ քաշային Յուրիկ Պետրոսյանը, 87 կգ քաշային Ռուբեն Գևորգյանը ու 97 կգ քաշային Արշակ Գեղամյանը։ 130 կգ քաշային Ռազմիկ Քուրդյանը նվաճելի էր արծաթե մեդալ։

Վաղը պայքարի մեջ կմտնեն ազատ ոճայինները։