Սլովանը կրկին պարտվեց․ Բարսեղյանը մասնակցեց ամբողջ հանդիպմանը

Կոնֆերենցիաների լիգայի հիմնական փուլի 2-րդ տուրում «Սլովանը» հյուրընկալվել էր «ԱԶ Ալկմարին» ու զիջեց նվազագույն հաշվով։

Հայաստանի ազգային հավաքականի կիսապաշտպան Տիգրան Բարսեղյանն ընդգրկված էր «Սլովանի» մեկնարկային կազմում ու մասնակցեց ամբողջ հանդիպմանը։

«ԱԶ Ալկմար» 1։0 «Սլովան»

Գոլերը՝ Սվեն Մեյնաս (44')
Չիրացրած 11-մետրանոց՝ Սվեն Մեյնաս (45'+5)
Հեռացում՝ Սանդրո Կրուզ (87')

Անցկացրած հանդիպումներից հետո Սլովակիայի չեմպիոնը վաստակած միավոր չունի ու 31-րդն է։ Հաջորդ տուրում Բարսեղյանն ու թիմակիցները կմրցեն ֆինլանդական ԿուՊՍ-ի հետ։