Ցույց տվեցինք բնավորություն ու արժանի միավոր վաստակեցինք․ Սանդրո Պերկովիչ (տեսանյութ)

Կոնֆերենցիաների լիգայի հիմնական փուլի 2-րդ տուրի «Ունիվերսիտատեա Կրայովա»-«Նոա» (1։1) հանդիպումից հետո երևանյան ակումբի գլխավոր մարզիչ Սանդրո Պերկովիչը խոսել է խաղի մասին ու պատասխանել լրագրողների հարցերին․

«Շնորհավորում եմ իմ ֆուտբոլիստներին 1 միավորի համար։ Կարծում եմ անցկացրինք լավ հանդիպում։ 1-ին խաղակեսին ֆուտբոլիստները ցուցադրեցին խաղ, որը ինձ հպարտություն պարգևեց։ Մենք խաղացինք այնպես՝ ինչպես պատրաստվել էինք։ Ունեինք մի քանի գոլ խփելու լավ հնարավորություն, ցավոք սրտի չիրացրինք։ Մենք զգացինք, թե ինչ է այս մակարդակում ֆուտբոլ խաղալը։ Ցանկացած փոքր սխալի պատճառով կարող ենք պատժվել։ 2-րդ կեսում փնտրում էինք գոլեր խփելու ուղիներ ու թույլ չտվեցինք, որ 1։0 հաշիվը կոտրի մեզ։ Ցույց տվեցինք բնավորություն, խփեցինք գոլ ու հաշիվը դարձրինք 1։1։ Կարծում եմ, արժանի էինք այս միավորին։ Ցանկանում եմ շնորհակալություն հայտնել բոլոր երկրպագուներին, ովքեր աջակցում էին մեզ»,-նշել է Պերկովիչը։

Մանրամասն տեսանյութում․