Լուկաս Սելարայանը ֆանտաստիկ գոլի հեղինակ է դարձել Արգենտինայի գավաթի խաղարկությունում (տեսանյութ)

Արգենտինայի գավաթի խաղարկության կիսաեզրափակչում «Բելգրանոն» ընդունել էր «Արգենտինոս Խունիորսին» ու զիջեց 1։2 հաշվով։

Հայաստանի ազգային հավաքականի կիսապաշտպան Լուկաս Սելարայանն ընդգրկված էր «Բելգրանոյի» մեկնարկային կազմում ու մասնակցեց ամբողջ հանդիպմանը։

Հայ ֆուտբոլիստը 36-րդ րոպեին շքեղ հարվածով բացեց խաղի հաշիվը։ Տեսանյութը՝ այստեղ։

Այսպիսով, «Բելգրանոն» դուրս մնաց Արգենտինայի գավաթի խաղարկությունից, իսկ «Արգենտինոս Խունիորսը» դուրս եկավ եզրափակիչ, որտեղ կմրցի «Ինդեպենդենտե Ռիվադավիա Դե Մենդոսա»-«Ռիվեր Փլեյթ» զույգի հաղթողի դեմ։