Փյունիկն առավելության հասավ Գանձասարի նկատմամբ

Fastex Պրեմիեր լիգայի 11-րդ տուրում «Փյունիկն» ընդունել էր «Գանձասարին» ու հաղթեց 2։0 հաշվով։

32-րդ րոպեին հանդիպման հաշիվը, տուգանայինից կատարած հարվածով, բացեց Ալեմաոն։ 90-րդ րոպեին «Փյունիկի» առավելությունը կրկնապատկեց Միխայիլ Կովալենկոն։

Այս հաղթանակից հետո Արտակ Օսեյանի գլխավորած թիմը վաստակում է 19 միավոր ու 4-րդ տեղում է։ «Գանձասարը» 6 միավորով 8-րդն է։

Հիշեցնենք, որ տուրի մյուս խաղերում «Ալաշկերտը» նվազագույն հաշվով հաղթել էր «Վանին», «Ուրարտուն» 5 անպատասխան գնդակ էր ուղարկել «Շիրակի» դարպասը։ Այսօր կկայանա նաև «Արարատ-Արմենիա»-ԲԿՄԱ հանդիպումը, իսկ տուրը կեզրափակվի «Արարատ»-«Նոա» խաղով։