Կրասնոդարը հաղթեց Ռուբինին ու գլխավորեց աղյուսակը․ Սպերցյանը մասնակցեց ամբողջ հանդիպմանը

Ռուսաստանի Պրեմիեր լիգայի 13-րդ տուրում «Կրասնոդարը» ընդունել էր «Ռուբինին» ու հաղթեց նվազագույն հաշվով։

Հանդիպման միակ գոլը հեղինակեց Վիկտոր Սան՝ 13-րդ րոպեին։

Հայաստանի ազգային հավաքականի կիսապաշտպան Էդուարդ Սպերցյանն ընդգրկված էր տանտերերի մեկնարկային կազմում ու մասնակցեց ամբողջ հանդիպմանը։ Ազգային ընտրանու մեկ այլ կիսապաշտպան՝ Ուգոչուկվու Իվուն բացակայում էր «Ռուբինի» հայտացուցակից Ռուսաստանի գավաթի խաղարկության «Ախմատի» դեմ խաղում ստացած վնասվածքի պատճառով։

Այս հաղթանակի շնորհիվ ՌՊԼ-ի գործող հաղթողները վաստակում են 29 միավոր ու վերադառնում են 1-ին հորիզոնական։ «Ռուբինը» 18 միավորով 7-րդ տեղում է։