Նոա-Սիգմա Օլոմոուց հանդիպման Հյուսիսային և Հարավային տրիբունաների տոմսերը հասանելի են անվճար
«Նոայի» մամուլի քարտուղարությունը հանդես է եկել հայտարարությամբ՝ տեղեկացնելով, որ Կոնֆերենցիաների լիգայի «Նոա»-«Սիգմա Օլոմոուց» հանդիպման Հյուսիսային և Հարավային տրիբունաների տոմսերը հասանելի են անվճար:
«Մեր գործընկեր Armenia Wine-ը ձեռք է բերել հատուկ «Նոա»-«Սիգմա Օլոմոուց» հանդիպման Հյուսիսային և Հարավային տրիբունաների տոմսերը ձեզ համար և նվիրում է բոլոր ֆուտբոլասերներին:
Տոմսերը կարող եք անվճար ստանալ հանդիպման օրը` նոյեմբերի 6-ին` «Հանրապետական» մարզադաշտի մուտքի մոտ գտնվող Armenia Wine-ի տաղավարից»,- ասվում է ակումբի մամուլի քարտուղարության տարածած հաղորդագրության մեջ։
Հանդիպման մեկնարկը 21:45-ին է: Արևելյան և Արևմտյան տրիբունաների տոմսերը կարող եք ձեռք բերել noah.am կայքից:
