Հայաստանի Մ-17 հավաքականը զիջեց Հյուսիսային Իռլանդիային

Հայաստանի մինչև 17 տարեկանների հավաքականը պարտությամբ է սկսել պայքարը ՈւԵՖԱ Մ-17 Եվրոպայի առաջնության որակավորման առաջին փուլում։ 

ՀՖՖ-ի հաղորդմամբ՝ Ալեքսանդր Պետրոսյանի գլխավորած թիմը 1-2 հաշվով զիջել է Հյուսիսային Իռլանդիայի հասակակիցներին։ Մեր թիմից միակ գոլը խփել է Արմեն Ղազարյանը։

Հայաստանի մինչև 17 տարեկանների հավաքականը հաջորդ հանդիպումը կանցկացնի հոկտեմբերի 31-ին, մրցակիցը՝ Ֆինլանդիայի թիմն է։

ՈւԵՖԱ ԵՎՐՈՊԱՅԻ Մ-17 տարեկանների առաջնության որակավորման առաջին փուլ

Հյուսիսային Իռլանդիա - Հայաստան՝ 2-1

Գոլերը՝ Էյմոն Թոհիլ 21, Ջոել Քեր 40, Արմեն Ղազարյան 45+2