Հայաստանի Գավաթ․ Շիրակը նվաճեց քառորդ եզրափակչի ուղեգիր՝ խոշոր հաշվով հաղթելով 1-ին խմբի ներկայացուցչին

Հայաստանի Գավաթի խաղարկության 1/8 եզրափակչում «Շիրակը» Չարենցավանի «Քաղաքային» մարզադաշտում մրցում էր «Արարատի Արաքսի» հետ ու հաղթեց 4։0 հաշվով։

Գյումրին ներկայացնող ակումբի կազմում աչքի ընկան Ռաֆիկ Միսակյանը, Ռուդիկ Մկրտչյանը, Վարդան Թովմասյանն ու Գրիգոր Ղումաշյանը։

Այսպիսով, «Շիրակը» դուրս եկավ Գավաթի խաղարկության քառորդ եզրափակիչ՝ միանալով «Արարատ-Արմենիային» ու «Նոային»։

Քառորդ եզրափակչի մյուս ուղեգրերը կվիճարկեն հետևյալ զույգերը՝

«Ուրարտու»-«Վան», «Անդրանիկ»-ԲԿՄԱ, «Փյունիկ»-«Գանձասար», «Սարդարապատ»-«Արարատ», «Սյունիք»-«Կիլիկիա»։