Ակրոնը հաղթեց Ռոստովին․ Սևիկյանը մասնակցեց հանդիպմանը

Ռուսաստանի Պրեմիեր լիգայի 14-րդ տուրում «Ակրոնը» հյուրընկալվել էր «Ռոստովին» ու հաղթեց նվազագույն հաշվով։

Հանդիպման միակ գոլը հեղինակեց Ժիլսոն Տավարեշը՝ 79-րդ րոպեին դիպուկ իրացնելով 11-մետրանոցը։

Հայաստանի ազգային հավաքականի կիսապաշտպան Էդգար Սևիկյանն ընդգրկված էր «Ակրոնի» մեկնարկային կազմում ու փոխարինվեց 58-րդ րոպեին։ Ազգային ընտրանու նախկին կիսապաշտպան Խորեն Բայրամյանն էլ, թեպետ «Ռոստովի» հայտացուցակում էր, սակայն խաղաժամանակ չստացավ։

Այս խաղից հետո «Ակրոնը» 15 միավորով 10-րդ տեղում է։ «Ռոստոսվն» ունի նույնքան միավոր և 11-րդն է։