Իվուն վերադարձավ խաղադաշտ, բայց անհարմարություն զգաց ու փոխարինվեց․ Ռուբինը ոչ-ոքի խաղաց

Ռուսաստանի Պրեմիեր լիգայի 14-րդ տուրում «Ռուբինն» ընդունել էր Մախաչկալայի «Դինամոյին»։ Գրանցվեց գոլազուրկ ոչ-ոքի։

Հայաստանի ազգային հավաքականի կիսապաշտպան Ուգոչուկվու Իվուն, որը վնասվածքի պատճառով բաց էր թողել «Ռուբինի» վերջին 2 հանդիպումները, վերադարձել էր թիմի մեկնարկային կազմ։

Իվուն հիմնական ժամանակին ավելացրած 5-րդ րոպեին փոխարինվեց։ Նշվում է, որ ֆուտբոլիստը անհարմարություն է զգացել ու հարկադրաբար փոխարինվել է։ Ըստ ամենայնի, Իվուն պատրաստ կլինի մասնակցել Հայաստանի ազգային հավաքականի առաջիկա հանդիպումներին՝ Հունգարիայի և Պորտուգալիայի հավաքականների դեմ։

Այս խաղից հետո «Ռուբինը» 19 միավորով 7-րդ տեղում է։