Գերլարված պայքարում Վանը հաղթանակ կորզեց Շիրակի դեմ խաղում

Fastex Պրեմիեր լիգայի 12-րդ տուրում «Վանը» հյուրընկալվել էր «Շիրակին» ու հաղթեց 3:2 հաշվով։

Հանդիպման հաշիվը 22-րդ րոպեին բացեց Ջեսե Ակիլան` խփելով «Շիրակի» կազմում իր առաջին գոլը։ 57-րդ րոպեին Դավիթ Կիրակոսյանի 11-մետրանոցից իրացրած հարվածը դիպավ դարպասաձողին, ինչից հետո Կաուա Ֆերեյրան վերականգնեց հաշվի հավասարությունը։

62-րդ րոպեին Գագիկ Ակուլյանը կրկին առաջին մղեց գյումրեցիներին։ 13 րոպե անց Ջեֆերսոն Գրանադոն հաշիվը դարձրեց 2:2։

Հիմնական ժամանակին ավելացրած 5-րդ րոպեին Հրայր Մկոյանը հաղթանակ պարգևեց «Վանին»։

Այս խաղից հետո Չարենցավանը ներկայացնող ակումբը 14 միավորով 6-րդ տեղում է։ «Շիրակը» 6 միավորով նախավերջին` 9-րդ հորիզոնականում է։