Ուրարտուն հաղթեց Արթիկին, Հատիսը՝ Էրեբունիին. մեկնարկել է Պրոբասկետ Ա-Լիգայի նոր մրցաշրջանը
«Արթիկ»-«Ուրարտու» խաղով մեկնարկել է Պրոբասկետ Ա-Լիգայի նոր՝ 2025/26թթ. մրցաշրջանը: Հանդիպումն ավարտվել է «Ուրարտուի»՝ 91:68 հաշվով հաղթանակով: Հանդիպումը կայացել է Արթիկում:
Ընդ որում, նախորդ տարվա համեմատ երկուսով ավելացել է մասնակիցների թիվը:
Առաջնությունում խաղարկվող մեդալների համար այս տարի պայքարում են նաև «Էրեբունին», «Հատիսը», ԲԿՄԱ-ն, «Օլիմպավանը»: Նրանց դեկտեմբերին կմիանան նաև ամերիկացի բասկետբոլիստներով համալրված երկու թիմեր՝ «US Titans» և «Phoenix Perception»-ը։
Առաջին տուրի մյուս խաղերում «Օլիմպավանը» 83:61 հաշվով առավելության է հասել ԲԿՄԱ-ի նկատմամբ, իսկ «Հատիսը» 105:74 հաշվով հաղթել է նախորդ տարվա չեմպիոնին՝ «Էրեբունուն»:
Երկրորդ տուրի հանդիպումները կկայանան նոյեմբերի 8-9-ին:
