Սիգման շատ կայուն թիմ է․ Անհամբեր սպասում եմ վաղվա հանդիպմանը․ Սանդրո Պերկովիչը՝ Սիգմայի դեմ խաղից առաջ (տեսանյութ)

Կոնֆերենցիաների լիգայի հիմնական փուլի 3-րդ տուրում «Նոան» կընդունի չեխական «Սիգմային»։ Խաղից առաջ «Նոայի» գլխավոր մարզիչ Սանդրո Պերկովիչն ու պաշտպան Սերգեյ Մուրադյանը պատասխանել են լրագրողների հարցերին․

«Ունենք կարևոր ֆուտբոլիստներ, որոնք վաղը չեն խաղալու վնասածքի պատճառով, բայց, բարեբախտաբար, ունենք մեծ հայտացուցակ լավ ֆուտբոլիստներով։ Վստահ եմ, որ բոլոր ֆուտբոլիստներն իրենց լավագույնը կտան։ Սա լավ հնարավորություն է նաև նրանց համար, ովքեր վերջերս քիչ խաղաժամանակ են ստանում»։

«Արարատ-Արմենիայի» հետ խաղը թողել ենք անցյալում, քանի որ չես կարող հետ գնալ։ Մեր ամբողջ կենտրոնացումը վաղվա խաղի վրա։ Գիտենք, որ վաղվա հանդիպումը մեզանից շատ ջանք կխլի։ Բոլորս գիտենք, թե չեխական ակումբներն ինչպես են խաղում եվրագավաթներում։ «Սիգման» դարձել է Չեխիայի գավաթակիր, առաջնությունում ևս շատ լավ են խաղում։ Շատ կայուն թիմ է»,-նշել է Պերկովիչը։

«Կարծում եմ, Կոնֆերենցիաների լիգայի հիմնական փուլը սկսել ենք 2 լավ խաղով ու տվյալ պահին ունենք 4 միավոր։ Եթե շարունակենք այս կերպ՝ կկարողանանք հաջողության հասնել։ Անհամբեր սպասում եմ վաղվա խաղին։ Պետք է անենք ամեն ինչ՝ ինչ կարող ենք, քանի որ խաղում ենք տանը՝ շատ կարևո հանդիպում է։ Քանի որ մեր երկրպագուներն էլ կլինեն մեզ հետ, խաղից հետո կնշենք միասին»,-նշել է Պերկովիչը։

Մանրամասն տեսանյութում․



Հիշեցնենք, որ «Նոա»-«Սիգմա» հանդիպումը կկայանա Երևանի Վազգեն Սարգսյանի անվան «Հանրապետական» մարզադաշտում և կմեկնարկի 21։45-ին։