Պետք է անմնացորդ նվիրվենք ու կհասնենք դրական արդյունքի․ Կարեն Մուրադյան
Աշխարհի առաջնության ընտրական փուլի 5-րդ տուրի Հայաստան-Հունգարիա խաղից առաջ տեղի է ունեցել Հայաստանի ազգային հավաքականի կիսապաշտպան Կարեն Մուրադյանի ու գլխավոր մարզիչ Եղիշե Մելիքյանի նախախաղային մամուլի ասուլիսը։
Ներկայացնում ենք Մուրադյանի ուշագրավ մտքերը․
«Բոլորս գիտենք, որ Հունգարիան ուժեղ մրցակից է։ Արտագնա խաղում, իմ կարծիքով, լավ հանդիպում անցկացրինք ու հանդիպումը կարող էր այլ կերպ էլ դասավորվել»։
«Ես միշտ փորձում եմ լավ հանդես գալ իմ ակումբում, որ կարողանամ հավաքականին օգուտ տալ»։
«Պետք է խաղանք ավելի կարգապահ, անմնացորդ նվիրվենք ու կհասնենք դրական արդյունքի»։
«Ուրախալի է, որ հայտնվում են երիտասարդ ֆուտբոլիստներ, որոնք համալրում են հավաքականը և ես միայն ուրախ եմ, որ մեր հավաքականն ունենա լավ երիտասարդներ, որոնք ապագայում միայն ու միայն ուժեղացնելու են մեր հավաքականը»։
Հիշեցնենք, որ Հայաստան-Հունգարիա հանդիպումը կկայանա նոյեմբերի 13-ին Վազգեն Սարգսյանի անվան «Հանրապետական» մարզադաշտում և կմեկնարկի 21։00-ին։
