Հայաստանի հավաքականը նվազագույն հաշվով զիջեց Հունգարիային

Աշխարհի առաջնության ընտրական փուլի 5-րդ տուրում Հայաստանի հավաքականն ընդունել էր Հունգարիայի ընտրանուն ու զիջեց նվազագույն հաշվով։

Հանդիպման միակ գոլը հեղինակեց Բարնաբաշ Վարգան՝ 33-րդ րոպեին։

Ամբողջ 2-րդ խաղակեսում Եղիշե Մելիքյանի գլխավորած հավաքականն ուներ հրաշալի տեսք, ստեղծեց մի քանի գոլային պահեր, սակայն գրավել մրցակցի դարպասը չհաջողվեց։

Հանդիպման մեկնարկից առաջ հայ Հայաստանի ազգային հավաքականի երկրպագուների «Առաջին հայկական ճակատ» շարժման անդամները ակցիա են իրականացրել ԱԱ-2026-ի ընտրական փուլի՝ Հունգարիայի դեմ տնային խաղից առաջ:

Այսպիսով, Հայաստանի հավաքականը անցկացրած 5 խաղերից հետո ունի 3 միավոր և եզրափակում է խմբի աղյուսակը։ Վերջին՝ 6-րդ տուրում, Եղիշե Մելիքյանի թիմը կհյուրընկալվի Պորտուգալիային։ Այդ հանդիպումը կկայանա նոյեմբերի 16-ին և կմեկնարկի Երևանի ժամանակով 18։00-ին։