Հաղթանակները դեռ առջևում են․ Արթուր Սերոբյանը՝ Հունգարիայի դեմ խաղից հետո

Հայաստանի ազգային հավաքականի ֆուտբոլիստ Արթուր Սերոբյանը Հայաստան-Հունգարիա (0։1) խաղից հետո խոսել է խաղի մասին։

«Շատ լավ հանդիպում անցկացրինք։ 2-րդ կեսում տիրում էինք խաղին, ոչ պարտադիր գոլ բաց թողեցինք, բայց սա ֆուտբոլ է։ Կարծում եմ, արժանի չէինք պարտվելուն, բայց չկարողացանք գոլ խփել։ Շարժվում ենք առաջ, պատրաստվում ենք մյուս հանդիպմանը։ Բոլորը տեսնում են խաղադաշտում, թե ինչ է փոխել Եղիշե Մելիքյանը։ Հիմա լրիվ ուրիշ ֆուտբոլի ենք խաղում։ Ինքներդ տեսաք, որ Հունգարիայի հավաքականի նման թիմի դեմ 2-րդ կեսում ինչ ֆուտբոլի էինք խաղում։ Ավելի ենք բարելավելու և հաղթանակները դեռ առջևում են»,-նշել է Սերոբյանը։

Հիշեցնենք, որ Հունգարիայի ընտրանու միակ գոլը հեղինակել էր Բարնաբաշ Վարգան՝ 32-րդ րոպեին։ Նոյեմբերի 16-ին Հայաստան ազգային հավաքականը կանցկացնի տարվա վերջին հանդիպումը՝ ընտրական փուլի 6-րդ տուրում հյուրընկալվելով Պորտուգալիայի ընտրանուն։