Հայտնի է Պորտուգալիա-Հայաստան հանդիպումը սպասարկող մրցավարական անձնակազմը

Աշխարհի 2026 թվականի առաջնության ընտրական փուլի վերջին տուրի Պորտուգալիա-Հայաստանը հանդիպումը կսպասարկեն Բոսնիացի մրցավարաները՝ Իրֆան Պելյտոյի գլխավորությամբ։

Եզրերում նրան կօգնեն Սենադ Իբրիսիմբեգովիչն ու Դավոր Բելժոն։ 4-րդ մրցավարը Միլոշ Գիգովիչն է։ 

ՎԱՌ համակարգի պատասխանատուն Ջանլուկա Օրելիանոն է՝ Իտալիայից։ Նրան կօգնի Դանիելե Պատերնան։

Իրֆան Պելյտոն սպասարկել է Հայաստանի հավաքականի մասնակցությամբ 1 հանդիպում՝ 2020-ի սեպտեմբերին Հյս․ Մակեդոնիայի դեմ արտագնա հանդիպումը, որում մեր ընտրանին զիջեց 1։2 հաշվով։

Հիշեցնենք, որ Պորտուգալիա-Հայաստան հանդիպումը կկայանա նոյեմբերի 16-ին՝ Պորտուի «Դրագաու» մարզադաշտում և կմեկնարկի Երևանի ժամանակով 18։00-ին։