Գիտենք, թե ինչ խնդիրներ կարող է ստեղծել Հայաստանի հավաքականը․ Բրունու Ֆերնանդեշ

Աշխարհի 2026 թվականի առաջնության ընտրական փուլի վերջին տուրի Պորտուգալիա-Հայաստան խաղից առաջ տեղի է ունեցել Պորտուգալիայի ազգային հավաքականի գլխավոր մարզիչ Ռոբերտո Մարտինեսի և կիսապաշտպան Բրունու Ֆերնանդեշի նախախաղային մամուլի ասուլիսը․

Ռոբերտո Մարտինեսի ասուլիսը ընթերցեք այստեղ։

«Պորտուգալիայի նպատակը հաղթելն է ու դա կախված չէ մրցակցից։ Մենք միշտ ենք հաղթանակի ձգտում։ Աշխարհի չեմպիոն դառնալու երազանքը երբեք չի վերանում, բայց որպեսզի այն իրականություն դառնա, պետք է հաղթել յուրաքանչյուր խաղում։ Հիմա ամենակարևորը Հայաստանին հաղթելն է»։

«Մենք արդեն խաղացել ենք Հայաստանի հետ։ Այս թիմը հարձակման գծում մեծ արագություններ ունի, իսկ կենտրոնում ուժեղ են ու ագրեսիվ։ Մենք գիտենք, թե ինչ խնդիրներ կարող են նրանք ստեղծել։ Կարևորը սեփական խաղը թելադրելն ու մեր ուժեղ կողմերն օգտագործելն է»,-նշել է կիսապաշտպանը։

Հիշեցնենք, որ Պորտուգալիա-Հայաստան հանդիպումը կկայանա նոյեմբերի 16-ին և կմեկնարկի Երևանի ժամանակով 18։00-ին։