Ունենք խաղային ձեռագիր ու մրցունակ ենք․ Արթուր Սերոբյան
Աշխարհի 2026 թվականի առաջնության ընտրական փուլի F խմբի Պորտուգալիա-Հայաստան խաղից առաջ տեղի է ունեցել Հայաստանի ազգային հավաքականի գլխավոր մարզիչ Եղիշե Մելիքյանի ու հարձակվող Արթուր Սերոբյանի մամուլի ասուլիսը․
«Ժամանակը կարճ էր, բայց բոլոը պատրաստ են հանդիպմանը։ Հունգարիայի խաղը ծանր էր, գիտենք, որ այս խաղն էլ է ծանր լինելու, բայց բոլորս պատրաստ ենք։»
«Պորտուգալիայից շատ լավ հիշողություններ ունեմ։ Պորտուգալիան ֆուտբոլային երկիր է։ Ունեմ ընկերներ, որոնց հետ կապի մեջ եմ ու նրանք վաղը գալու են հանդիպմանը»։
«Պորտուգալիայի դեմ 1-ին խաղից հետո հավաքականում միայն լավ փոփոխություններ են եղել։ Ինքներդ տեսաք, որ Հունգարիայի հավաքականի դեմ շատ լավ հանդես եկանք։ Ունենք խաղային ձեռագիր ու պատրաստ ենք բոլորի հետ մրցելու ու մրցունակ լինելու։ Պորտուգալիայի դեմ 1-ին խաղն արդեն անցյալ է ու հիմա պատրաստվում ենք վաղվա հանդիպմանը՝ բոլորը գիտեն կարևորությունը ու վստահ ենք վաղվա խաղում լավ ելույթ ունենալու»,-նշել է Սերոբյանը։
Մանրամասն տեսանյութում․
Հիշեցնենք, որ Պրոտուգալիա-Հայաստան հանդիպումը կկայանա նոյեմբերի 16-ին Պորտուի «Դրագաու» մարզադաշտում և կմեկնարկի 21։00-ին։
