Եղիշե Մելիքյանի հայտարարությունը

Հայաստանի ազգային հավաքականի գլխավոր մարզիչ Եղիշե Մելիքյանը հանդես է եկել հայտարարությամբ

«Որակավորման այս փուլը մեզ համար դժվար ստացվեց։ Նախ ցանկանում եմ ներողություն խնդրել մեր կրած պարտությունների համար․ գիտեմ՝ սպասումները մեծ էին, բայց չկարողացանք ձեզ տալ այն ուրախությունը, որին արժանի էիք։ 

Միևնույն ժամանակ ուզում եմ սրտանց շնորհակալություն հայտնել յուրաքանչյուրին, որ ամբողջ ընթացքում մեր կողքին էիք։ Ձեր հավատարիմ աջակցությունը մեզ ուժ է տալիս, որպեսզի շարունակենք և ավելի ամուր թիմ դառնանք։

Վերադառնալու ենք ավելի պատրաստ, ավելի ուժեղ ու ավելի միասին»,-Մելիքյանի խոսքերն է մեջբերում Հայաստանի ֆուտբոլի ֆեդերացիան։

Հիշեցնենք, որ 46-ամյա մասնագետը Հայաստանի ազգային հավաքականի գլխավոր մարզչի պաշտոնը ստանձնել էր այս տարվա օգոստոսին ու թիմի հետ մասնակցելով աշխարհի առաջնության ընտրական փուլին՝ անցկացրած 6 խաղում տոնել էր 1 հաղթանակ ու 3 միավորով եզրափակել էր խումբը։