Գերդրամատիկ խաղ Առաջին խմբում․ Հայքը 0։3 հաշվով պարտվելուց հետո հաղթել է Անդրանիկին (տեսանյութ)

Հայաստանի Առաջին խմբի առաջնության 16-րդ տուրում «Հայքն» ընդունել էր «Անդրանիկին» ու առաջին կեսում 0։3 հաշվով զիջելուց հետո 4 գոլ խփեց 2-րդ կեսում ու հաղթանակի հասավ «Անդրանիկի» նկատմամբ։

Հանդիպման հաշիվը բացել է Էրիկ Սմբատյանը՝ 13-րդ րոպեին։ 32-րդ րոպեին Էրիկ Պետրոսյանը կրկնապատկեց իր թիմի առավելությունը, իսկ 1-ին կեսի հիմնական ժամանակին ավելացրած 2-րդ րոպեին Իսմաիլ Օլավալեն հաշիվը դարձրեց 0։3․

2-րդ կեսի մեկնարկից 3 րոպե անց Ալեքսանդր Գլիշիչը խփեց «Հայքի» 1-ին գոլը։ 2 րոպե անց Իփեի Ուիլյամսը կրճատեց հաշվի տարբերությունը։ 78-րդ րոպեին Ալեքսանդր Գլիշիչը ձևակերպելով դուբլ՝ հաշիվը դարձրեց 3։3, իսկ 82-րդ րոպեին Մհեր Սահակյանը հաղթանակ պագևեց «Հայքին»։ Տեսանյութը՝ այստեղ։

Այս հաղթանակի շնորհիվ Սպիտակը ներկայացնող ակումբը շրջանցեց «Անդրանիկին» ու 34 միավորով 3-րդ տեղում է։