Արարատ-Արմենիան հաղթեց Արարատին

Fastex Պրեմիեր լիգայի 14-րդ տուրում «Արարատ-Արմենիան» հյուրընկալվել էր «Արարատին» ու հաղթեց 2։1 հաշվով։

Հյուրերի կազմում աչքի ընկան Արմեն Համբարձումյանն (43') ու Հուգո Օլիվեիրան (62'):

«Արարատի» միակ գոլը հեղինակեց Յայա Սոգոդոգոն՝ հիմնական ժամանակի ավարտից 1 րոպե առաջ։ 

Այս հաղթանակի շնորհիվ Մանուել Տուլիպայի գլխավորած թիմն անցկացրած 13 խաղից հետո 31 միավորով գլխավորում է մրցաշարային աղյուսակը։ «Արարատը» 3 միավորով վերջին՝ 10-րդ տեղում է։

Հիշեցնենք, որ այսօր կկայանա «Ուրարտու»-«Փյունիկ» հանդիպումը։ Վաղը՝ նոյեմբերի 22-ին, ուժերը կչափեն «Շիրակն» ու «Գանձասարը», «Նոան» ու «Ալաշկերտը»։ Տուրը կավարտվի նոյեմբերի 23-ին՝ «Վան»-ԲԿՄԱ խաղով։