Մկոյանի գոլը խաղի վերջնամասում հաղթանակ պարգևեց Վանին

Fastex Պրեմիեր լիգայի 14-րդ տուրում «Վանն» ընդունել էր ԲԿՄԱ-ին ու հաղթեց 3։2 հաշվով։

Հանդիպման հաշիվը բացեց Էրիկին՝ 3-րդ րոպեին։ 28-րդ րոպեին Պետիկ Մանուկյանը վերականգնեց հաշվի հավասարությունը։ 51-րդ րոպեին Կաֆեն կրկին առաջ մղեց չարենցավանյան ակումբին։ 66-րդ րոպեին Գրենիկ Պետրոսյանը հաշիվը դարձրեց 2։2։ 

Հիմնական ժամանակին ավելացրած 6-րդ րոպեին «Վանը» վաստակեց 11-մետրանոցի իրավունք, որը դիպուկ իրացրեց Հրայր Մկոյանը՝ հաղթանակ պարգևելով իր թիմին։

Այս հաղթանակից հետո «Վանը» 20 միավորով 6-րդ տեղում է։ ԲԿՄԱ-ն 11 միավորով 7-րդն է։