Ցրվենա Զվեզդան անակնկալ պարտություն կրեց․ Տիկնիզյանը խաղաժամանակ չստացավ (տեսանյութ)

Սերբիայի առաջնության 16-րդ տուրում «Ցրվենա Զվեզդան» հյուրընկալվել էր «Յավորին» ու զիջեց նվազագույն հաշվով։

Հանդիպման միակ գոլը հեղինակեց Օգնյեն Կրսմանովիչը՝ 84-րդ րոպեին։

Հայաստանի ազգային հավաքականի պաշտպան Նաիր Տիկնիզյանն ընդգրկված էր հյուրերի հայտացուցակում, սակայն խաղաժամանակ չստացավ։

Այս հանդիպումից հետո «Ցրվենա Զվեզդան» 35 միավորով 2-րդ տեղում է և 2 միավոր զիջում է առաջատար «Պարտիզանին», որից 1 խաղ պակաս է անցկացրել։