ՖԻՖԱ-ի նախագահ Ջանի Ինֆանտինոն ցավակցություն է հայտնել Նիկիտա Սիմոնյանի մահվան կապակցությամբ
ՖԻՖԱ-ի նախագահ Ջանի Ինֆանտինոն ցավակցություն է հայտնել լեգենդար ֆուտբոլիստ, ԽՍՀՄ հավաքականի կազմում օլիմպիական չեմպիոն Նիկիտա Սիմոնյանի մահվան կապակցությամբ։
«Խոր ցավով տեղեկացա Նիկիտա Սիմոնյանի մահվան մասին, որը կյանքից հեռացավ 99 տարեկանում: ԽՍՀՄ հավաքականի նախկին նշանավոր ավագը, որն իր թիմին առաջնորդեց ՖԻՖԱ-ի Աշխարհի գավաթի առաջին խաղում և նաև խփեց իր թիմի առաջին գոլը եզրափակիչներում: Լինելով 1956 թվականի Օլիմպիական խաղերի ֆուտբոլի մրցաշարի չեմպիոնական թիմի վերջին ողջ մնացած անդամը՝ իր կյանքի մեծ մասը նվիրել է ֆուտբոլին:
ՖԻՖԱ-ի և համաշխարհային ֆուտբոլային համայնքի անունից իմ անկեղծ ցավակցությունն եմ հղում նրա ընտանիքին, ընկերներին և բոլոր նրանց, ովքեր ճանաչել են Նիկիտա Սիմոնանին և աշխատել նրա հետ»,- գրել է Ինֆանտինոն Instagram-ի իր էջում և լուսանկարներ հրապարակել:
