Հայտնի է՝ երբ տեղի կունենա Նիկիտա Սիմոնյանի հուղարկավորությունը

Ֆուտբոլի օլիմպիական չեմպիոն, Մոսկվայի «Սպարտակի» պատմության լավագույն ռմբարկու Նիկիտա Սիմոնյանի հուղարկավորության և հրաժեշտի արարողությունը տեղի կունենա նոյեմբերի 27-ին: Այս մասին RTVI-ին հայտնել է նրա դուստրը՝ Վիկտորյա Սիմոնյանը: Սակայն, ըստ նրա, «ամեն ինչ դեռ որոշվում է»:

Սիմոնյանի օգնականը, սակայն, մեկնաբանելով իրավիճակը, RTVI-ին ասել է հետևյալը.

«[Հուղարկավորության] ամսաթիվը 27-ն է, իսկ մնացած ամեն ինչ կհայտարարվի ավելի ուշ՝ Ռուսաստանի ֆուտբոլային միության և «Սպարտակ» ֆուտբոլային ակումբի պաշտոնական կայքերում»:

Լեգենդար մարզիկի մահվան մասին ավելի վաղ հայտնել էր Ֆուտբոլի վետերանների միության նախագահ Ալեքսանդր Միրզոյանը: Նրա խոսքով՝ նախկին ֆուտբոլիստի վիճակը վատացել է նոյեմբերի 20-ին, որից հետո նա հոսպիտալացվել է:

Սպորտային լրագրող Դմիտրի Եգորովը պարզաբանել է, որ Սիմոնյանի հետ ավելի վաղ «դժբախտ դեպք էր տեղի ունեցել», որից նա չի կարողացել վերականգնվել: