Սլովանը հաղթեց Ռայո Վալեկանոյին, Լեգիան զիջեց Սպարտա Պրահային․ Բարսեղյանը բացակայում էր, Բիչախչյանը դուրս եկավ փոխարինման

Կոնֆերենցիաների լիգայի հիմնական փուլի 4-րդ տուրում «Սլովանը» սեփական հարկի տակ 2։1 հաշվով կամային հաղթանակ տոնեց «Ռայո Վալեկանոյի» նկատմամբ։ Հայաստանի ազգային հավաքականի ֆուտբոլիստ Տիգրան Բարսեղյանը, վնասվածքի պատճառով, բացակայում էր «Սլովանի» հայտացուցակից։

Վահան Բիչախչյանն էլ «Լեգիայի» կազմում փոխարինման դուրս եկավ «Սպարտա Պրահայի» դեմ խաղի 60-րդ րոպեին։ Լեհական ակումբը մրցակցին զիջեց նվազագույն հաշվով։

Այս տուրց հետո «Սլովանը» 3 միավորով 29-րդ տեղում է, «Լեգիան» նույնքան միավորով՝ 28-րդն է։

Առաջիկա տուրերի ընթացքում Սլովակիայի չեմպիոնը կմրցի «Շկենդիայի» ու «Հակենի» դեմ, իսկ «Լեգիայի» մրցակիցները «Նոան» ու «Լինքոլն Ռեդ Իմսն» են։