Գիտենք, թե որն է մեր նպատակը․ Սանդրո Պերկովիչ (տեսանյութ)

Կոնֆերենցիաների լիգայի հիմնական փուլի 4-րդ տուրի «Աբերդին»-«Նոա» (1։1) խաղից հետո «Նոայի» գլխավոր մարզիչ Սանդրո Պերկովիչը խոսել է խաղի մասին ու պատասխանել լրագրողների հարցերին․

«Շնորհավորում եմ իմ ֆուտբոլիստներին, բայց նաև շնորհավորում եմ «Աբերդինին»։ Կարծում եմ, 2 թիմերն էլ լավ հանդիպում անցկացրին։ 1-ին կեսում այդքան էլ գոհ չէի մեր ցուցադրած խաղից, զգում էի, որ ինչ-որ բան պակասում է մեր խաղաոճում, օրինակ, ինչ-որ ֆուտբոլիստ կամ այլ բան։ Ցավոք սրտի գոլ բաց թողեցինք ամենաանհարմար պահին՝ 1-ին կեսի վերջին րոպեներին։ Որոշեցինք, որ 2-րդ կեսում կփոխենք տակտիկան ու կխաղանք 2 հարձակվողով։ Թիմի արձագանքը շատ լավն էր, 2-րդ կեսի մեկնարկից 7-8 րոպե հետո գոլ խփեցինք և հաշիվը դարձրինք 1։1, ինչից հետո «Աբերդինն» ավելի ինտենսիվ ֆուտբոլի անցավ։ Հպարտ եմ, թե ինչպես իմ ֆուտբոլիստներն արձագանքեցին դրան՝ հատկապես 2-րդ կեսում։ Ցավում եմ, որ որոշ պահերի մենք թերացանք, բայց, ընդհանուր առմամբ, գոհ եմ ֆուտբոլիստների ցուցադրած խաղից՝ հատկապես 2-րդ կեսում։ Վերցնում ենք այս միավորն ու շարժվում ենք առաջ։ Գիտենք, թե մեր նպատակը որն է՝ հաջորդ խաղերում վերցնել 3 միավոր, որպեսզի կարողանանք անցնել փլեյ-օֆֆ փուլ»։

Մանրամասն տեսանյութում․