Ուրարտուն հաղթեց Ալաշկերտին

Fastex Պրեմիեր լիգայի 15-րդ տուրի կենտրոնական խաղում «Ուրարտուն» հյուրընկալվել էր «Ալաշկերտին» ու հաղթեց 2։0 հաշվով։

Ռոբերտ Արզումանյանի գլխավորած թիմն հաջողվեց 2 գոլն էլ հեղինակել 1-ին կեսում։ Աչքի ընկան Կարեն Մելքոնյանը (28') և Բրունո Միշելը (44'): Վերջինիս համար սա 13-րդ գոլն էր Հայաստանի առաջնության ընթացիկ մրցաշրջանում։

Հիմնական ժամանակին ավելացրած 3-րդ րոպեին «Ալաշկերտը» ստացավ 11-մետրանոցի իրավունք, սակայն Կարեն Նալբանդյանի հարվածը հետ մղեց Ալեքսանդր Միշիևը։

Այս հաղթանակից հետո «Ուրարտուն» վաստակեց 29 միավոր ու 2-րդ տեղում է։ «Ալաշկերտը» նույնքան միավորով 3-րդն է։

Հիշեցնենք, որ տուրի մեկնարկային խաղում ԲԿՄԱ-ն չէր հաղթել 9 հոգով մնացած «Գանձասարին»։ Վաղը կկայանան «Արարատ-Արմենիա»-«Շիրակ» ու «Փյունիկ»-«Արարատ» հանդիպումները։ Տուրը կեզրափակվի դեկտեմբերի 2-ին կայանալիք «Վան»-«Նոա» խաղով։