«Լավ էր։ Առաջին խաղը, առաջին գոլը։ Թիմը շատ համախմբված էր, շատ ինքնավստահ, և մենք կարողացանք հաղթել։ Դա էր ամենակարևորը։ Մենք մեզ լավ էինք զգում։ Մի փոքր հոգնած էինք, որովհետև մարզումները շատ ծանր են։ Բայց մենք կարողացանք հաղթահարել դա։ Մենք ավելի ու ավելի ենք ուժեղանում և վերադառնում մեր լավագույն մարզավիճակին»,–ասել է պորտուգալացի հարձակվողը։

Հիշեցնենք, որ երևանյան թիմը ստուգողական խաղում 2։1 հաշվով հաղթել էր Ռուսաստանի չեմպիոն «Զենիթին»։

Ֆաստեքս Հայաստանի Պրեմիեր լիգայի գարնանային հատվածից առաջ «Նոան» 16 խաղից հետո 40 միավորով առաջատար է ու 2 միավորի առավելություն ունի 18 խաղ անցկացրած  «Ուրարտուի» նկատմամբ։

Փետրվարի 19-ին «Նոան» կմրցի «Ալաշկերտի» հետ Հայաստանի գավաթի խաղարկության 1/8 եզրափակիչում։

Ֆաստեքս Հայաստանի Պրեմիեր լիգայում Մոտայի գլխավորած թիմը փետրվարի 26-ին կհյուրընկալվի «Վեստ Արմենիային»։