Ցրվենա Զվեզդան գոլառատ խաղում հաղթանակի հասավ․ Նաիր Տիկնիզյանը մասնակցեց հանդիպմանը (տեսանյութ)

Սերբիայի առաջնության 17-րդ տուրում «Ցրվենա Զվեզդան» հյուրընկալվել էր «ՕՖԿ Բելգրադին» ու հաղթեց 4։3 հաշվով։

11-րդ րոպեին դաշտի տերերն առաջ անցան հաշվի մեջ։ Աչքի ընկավ Ջեյ Էնեմը։ 18-րդ րոպեին Տիմի Մաքս Էլշնիկը վերականգնեց հավասարությունը, սակայն 1 րոպե անց Ուրոշ Կաբիչը կրկին առաջ մղեց «ՕՖԿ Բելգրադին»։ 24-րդ րոպեին Վասիլիե Կոստովը հաշիվը դարձրեց 2։2, իսկ 65-րդ րոպեին Ալեքսանդր Կատաիի գոլը հաղթանակի նժարը թեքեց հյուրերի կողմ։ 79-րդ րոպեին Կաբիչը վերականգնեց հավասարությունը, սակայն հիմնական ժամանակի ավարտից 2 րոպե առաջ Միրկո Իվանիչը հաղթանակ պարգևեց «Ցրվենա Զվեզդային»։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» հայտացուցակում ու փոխարինման մտավ 83-րդ րոպեին։

Այս հաղթանակից հետո Սերբիայի գործող չեմպիոնը 38 միավորով 2-րդ տեղում է և 1 խաղ պակաս է անցկացրել առաջատար «Պարտիզանից», որն ունի 40 միավոր։