Fastex Պրեմիեր լիգայի 15-րդ տուրի երեկ մեկնարկած «Արարատ-Արմենիա»-«Շիրակ» խաղը շարունակվեց այսօր։
Դաշտի տերերը հաղթեցին 4։1 հաշվով, չնայած հաշիվը բացեցին հյուրերը։ 43-րդ րոպեին աչքի ընկավ Լյովա Մրյանը։
Այնուհանդերձ, գյումրեցիները չկարողացան ընդմիջման գնալ հաղթական հաշվով։ 1-ին կեսին ավելացրած 4-րդ րոպեին Արայիկ Էլոյանը վերականգնեց հաշվի հավասարությունը, իսկ 2-րդ կեսի մեկնարկից 4 րոպե անց Հուգո Օլիվերիան առաջ մղեց «Արարատ-Արմենիային»։ 66-րդ րոպեին Արթուր Սերոբյանն աչքի ընկավ տուգանայինից կատարած ուղիղ հարվածով, իսկ հիմնական ժամանակին ավելացրած 1-ին րոպեին Փոլ Այոնգոն ձևակերպեց վերջնական հաշիվը։
Հիշեցնենք, որ «Արարատ-Արմենիա»-«Շիրակ» հանդիպումը մեկնարկել էր երեկ, սակայն ընդհատվելէր լուսավորության խնդրի պատճառով։ Երեկ կայացած խաղի 18-րդ րոպեին էլ Խուան Բալանտայի 11-մետրանոցից կատարած հարվածը հետ էր մղել Լյովա Կարապետյանը։ Այսօր թիմերը հանդիպումը շարունակեցին 26-րդ րոպեից։
Այս հաղթանակից հետո Մանուել Տուլիպայի գլխավորած թիմը միանձնյա գլխավորում է մրցաշարային աղյուսակը 34 միավորով։ «Շիրակը» 10 միավորով կիսում է 8-9-րդ հորիզոնականները «Գանձասարի» հետ։
