Ինտերն Իտալիայի գավաթի խաղարկության քառորդ եզրափակչում է․ Մխիթարյանը՝ գոլային փոխանցման հեղինակ (տեսանյութ)

Իտալիայի գավաթի խաղարկության 1/8 եզրափակչում «Ինտերն» ընդունել էր «Վենեցիային» ու հաղթեց 5։1 հաշվով։

Տանտերերի կազմում աչքի ընկան Անդի Դիուֆը (18'), Ֆրանչեսկո Պիո Էսպոսիտոն (20'), Մարկուս Թյուրամն (34', 51') ու Անժ-Յոան Բոնին (75')։ «Վենեցիայի» միակ գոլը հեղինակեց Ռիչի Սագրադոն (66')։

Հայաստանի ազգային հավաքականի նախկին ավագ ու լավագույն ռմբարկու Հենրիխ Մխիթարյանը, որն հոկտեմբերի 25-ին Ա Սերիայի 8-րդ տուրի «Նապոլիի» դեմ խաղում ստացել է վնասվածք, վերադարձավ խաղադաշտ՝ դառնալով գոլային փոխանցման հեղինակ (տեսանյութ)։ 36-ամյա ֆուտբոլիստը փոխարինման մտավ 2-րդ կեսի մեկնարկին։

Այս հաղթանակի շնորհիվ Քրիստիան Կիվուի գլխավորած թիմը նվաճեց քառորդ եզրափակչի ուղեգիր։