Հովհաննես Բաչկովը նույնպես կմասնակցի բռնցքամարտի աշխարհի առաջնությանը
Հովհաննես Բաչկովը նույնպես կմասնակցի աշխարհի առաջնությանը։ IBA-ն հնարավորություն է տվել IBA PRO գոտին նվաճած մարզիկներին նույնպես մասնակցել աշխարհի առաջնությանը։ Այսպիսով 67 կգ քաշային կարգում կմենամարտեն 2 հայ մարզիկ` Հովհաննես Բաչկովն ու Արմեն Մաշակարյանը։
Դուբայում երեկ կայացել է բռնցքամարտի աշխարհի առաջնության վիճակահանությունը: Մարզաձևի տարվա գլխավոր ստուգատեսին 13 քաշային կարգում մասնակցում է 108 երկրի 428 բռնցքամարտիկ:
Դեկտեմբերի 4 ին` առաջնության առաջին մրցումային օրը, ռինգ դուրս կգա 3 հայ բռնցքամարտիկ: Իրենց մենամարտերը կանցկացնեն 71 կգ քաշային Արարատ Հարությունյանը, 75 կգ քաշային Վախթանգ Հարությունյանը և 92 կգ քաշային Նարեկ Մանասյանը: Արարատ Հարությունյանը կմենամարտի Ինդոնեզիայի ներկայացուցիչ Ալֆինո Ցեզարի հետ, Վախթանգ Հարությունյանի մրցակիցը նիգերացի Աբդուլ Բակի Ադամոուն է, իսկ Նարեկ Մանասյանի մրցակիցը Կուկի կղզիները ներկայացնող Մայքլ Շուստերն է:
