10 հոգով մնացած Ակրոնը զիջեց Զենիթին․ Սևիկյանը մասնակցեց հանդիպմանը

Ռուսաստանի Պրեմիեր լիգայի 18-րդ տուրում «Ակրոնը» հյուրընկալվել էր «Զենիթին» ու զիջեց 0։2 հաշվով։

Գոլերն իրենց անվան դիմաց գրանցեցին Ժերսոնն (32') ու Լուիզ Էնրիկեն (41'): 14-րդ րոպեից «Ակրոնը» խաղում էր 10 ֆուտբոլիստով։ Վերջին հույսի խախտման համար խաղադաշտից հեռացվեց Իյոնուց Նեդելչարուն։

Հայաստանի ազգային հավաքականի ֆուտբոլիստ Էդգար Սևիկյանն ընդգրկված էր «Ակրոնի» հայտացուցակում ու փոխարինման մտավ 67-րդ րոպեին։

Այս խաղից հետո Տոլյատին ներկայացնող ակումբը 21 միավորով 10-րդ տեղում է։ Սա «Ակրոնի» վերջին հանդիպումն էր 2025 թվականին։