Ինտերը խոշոր հաշվով հաղթեց Կոմոյին․ Մխիթարյանը մասնակցեց հանդիպմանը (տեսանյութ)

Իտալիայի առաջնության 14-րդ տուրում «Ինտերն» ընդունել էր «Կոմոյին» ու հաղթեց 4։0 հաշվով։

Միլանյան ակումբի կազմում աչքի ընկան Լաուտարո Մարտինեսը (11'), Մարկու Թյուրամը (59'), Հական Չալհանօղլուն (80') և Կարլոս Ագուստոն (86')։

Հայաստանի ազգային հավաքականի լավագույն ռմբարկու և նախկին ավագ Հենրիխ Մխիթարյանն ընդգրկված էր տանտերերի հայտացուցակում և փոխարինման մտավ 71-րդ րոպեին։

Այս հաղթանակից հետո «Ինտերը» 30 միավորով գլխավորեց մրցաշարային աղյուսակը։ «Միլանը», «Նապոլին» ու «Ռոման», որոնք չեն անցկացրել 14-րդ տուրի հանդիպումները, հաղթելու դեպքում կարող են շրջանցել Քրիստիան Կիվուի գլխավորած թիմին։