Կանանց ազգերի լիգա. Հայաստանի հավաքականը երկրորդ անընդմեջ հաղթանակը տարավ (տեսանյութ)

ՈւԵՖԱ Կանանց Ազգերի լիգայի երկրորդ խաղում Հայաստանի հավաքականն այսօր Արմավիրի Հակոբ Տոնոյանի անվան «Քաղաքային» մարզադաշտում ընդունել է Ղազախստանի կանանց հավաքականին և երկու անպատասխան գնդակ է ուղարկել մրցակցի դարպասը: 

Հանդիպման հաշիվը 15-րդ րոպեին բացել է Սվետլանա Կարագեզյանը: Երկրորդ գոլը 55-րդ րոպեին խփել է Օքսանա Պիզլովան՝ անվրեպ իրացնելով 11-մետրանոցը:

Մեր ընտրանին ընդգրկված է C3 խմբում, որտեղ նրա մրցակիցներն են Լիխտենշտեյնի, Ղազախստանի և Լյուքսեմբուրգի ընտրանիները: Երկու խաղից հետո Հայաստանի կանանց հավաքականը 6 միավորով գլխավորում է աղյուսակը:

Առաջին խաղում Հայաստանի ազգային հավաքականն ընդունել էր Լիխտենշտեյնի ընտրանուն և հաղթել 6:1 հաշվով: 

Հանդիպման գոլերը՝ այստեղ։