Բարեղամ Հարությունյանը կամային հաղթանակ տարավ՝ դուրս գալով ԱԱ-ի քառորդ եզրափակիչ

Դուբայում ընթացող բռնցքամարտի աշխարհի առաջնությունում Հայաստանը ներկայացնող 48 կգ քաշային Բարեղամ Հարությունյանը մրցավարների ոչ միաձայն որոշմամբ հաղթեց Թաիլանդի ներկայացուցչին (4։1)՝ նվաճելով քառորդ եզրափակչի ուղեգիր։

Հարությունյանը զիջել էր 1-ին ռաունդում, սակայն կարողացավ առավելության հասնել։

Ավելի վաղ քառորդ եզրափակչի ուղեգիր էր նվաճել 67 կգ քաշային Հովհաննես Բաչկովը, 80 կգ քաշային Արտուշ Հովհաննիսյանը, 92 կգ քաշային Նարեկ Մանասյանը գերծանր քաշային Դավիթ Չալոյանը։

Այսօր ռինգ դուրս կգան նաև 60 կգ քաշային Արթուր Բազեյանը և 75 կգ քաշային Վախթանգ Հարությունյանը։