Բռնցքամարտի ԱԱ․ Վախթանգ Հարությունյանը զիջեց ուզբեկ մրցակցին

Դուբայում ընթացող բռնցքամարտի աշխարհի առաջնությունում Հայաստանը ներկայացնող 75 կգ քաշային Վախթանգ Հարությունյանը 1/8 եզրափակչում զիջեց ուզբեկ մրցակցին՝ լքելով պայքարը։

Հարությունյանը պարտվեց մրցավարների միաձայն որոշմամբ։

Այսօր քառորդ եզրափակչի ուղեգիր էին նվաճել ռինգ դուրս եկած Հայաստանի 8 ներկայացուցիչներից 6-ը՝ 67 կգ քաշային Հովհաննես Բաչկովը, 80 կգ քաշային Արտուշ Հովհաննիսյանը, 92 կգ քաշային Նարեկ Մանասյանը, գերծանր քաշային Դավիթ Չալոյանը, 48 կգ քաշային Բարեղամ Հարությունյանը և 60 կգ քաշային Արթուր Բազեյանը։

67 կգ քաշային Արմեն Մաշկարյանը զիջել էր ուզբեկ բռնցքամարտիկին։