Ֆաստեքս Հայաստանի Պրեմիեր լիգայի 20-րդ տուրում «Փյունիկը» «Ջունիոր Սպորտ» մարզադաշտում 2 անպատասխան գնդակ ուղարկեց «Ալաշկերտի» դարպասը:
Խաղից հետո կայացել է «Ալաշկերտի» գլխավոր մարզչի օգնական Էդգար Թորոսյանի ասուլիսը:
«Թիմը բավականին լավ ֆուտբոլ խաղաց։ Այսօր ոչ միայն պաշտպանվեցինք, այլ նաև շատ լավ գրոհներ անցկացրինք՝ դիրքային գրոհներ, հակագրոհներ, դարպասին մոտեցումներ։ Գոհ եմ այսօրվա խաղից, պարզապես պակասում էր պահերի իրացումը։ Մի տեղ շտապեցինք, մի տեղ որակը չբավարարեց։ Առաջին կեսում հակագրոհից ընդունեցինք գոլ։ Կենտրոնացումը կորել էր տուգանայինի ներսում, մնացած դրվագներում լավ էինք վերահսկում խաղը։ Այս խաղը քայլ առաջ էր։ Կար պրոգրես նախորդ խաղի համեմատ։ Վերջում ամբողջ թիմը գնաց առաջ, ինչի արդյունքում ընդունեցինք երկրորդ գոլը»,-ասել է Թորոսյանը։
