Երկկողմանի բարձր մակարդակի խաղ էր․ Դմիտրի Գունկոն՝ Արարատ-Արմենիայի հետ խաղի մասին

Ֆաստեքս Հայաստանի Պրեմիեր լիգայի 20-րդ տուրի կենտրոնական խաղում    «Ուրարտուն» 2։1 հաշվով հաղթել է «Արարատ-Արմենիան»:

Խաղից հետո կայացել է «Ուրարտուի» գլխավոր մարզիչ Դմիտրի Գունկոյի մամուլի ասուլիսը։

-Խաղի մասին

-Ես ցանկանում եմ ասել, որ երկկողմանի շատ բարձր մակարդակի խաղ էր։ Լավ ֆուտբոլ էր ընթանում՝ շատ սուր դրվագներով։ Չնայած նրան, որ եղանակային պայմանաները լավը չէին, բայց  դա չէր խանգարում հիանալի ֆուտբոլ խաղալ և կարծում եմ, որ այդ հիանալի ֆուտբոլում մենք ավելի լավն էինք։ Ճիշտ է, մեր ցուցադրած լավ խաղը մի փոքր խամրեցրեց այն դեղին քարտերն ու բաց թողած գոլը, որը կարող էր չլինեն։ Տեսանք, ինչ-որ խնդիրներ, որոնք ընթացքում պետք է շտկենք, բայց երկրպագուներին շնորհավորում եմ հաղթանակի կապակցությամբ։

-Նորեկների մասին

-Սա առաջին խաղն էր, բայց այն ֆուտբոլիստները, որոնք եկել են այստեղ, մեր պահանջներին համապատասխանում են։ Կան փոքրիկ դետալներ, որոնք հնարավոր է առաջին հայացքից չերևան, բայց ընդհանուր առմամբ լավ հանդիպում անցկացրին։

-Իգնատևի հեռանալու մասին

-Ինչպես ասում են՝ չկա բարիք, առանց չարիք։ Իգնատևը հեռացավ, բայց նրա փոխարեն եկան նոր ֆուտբոլիստներ և մենք խաղը կառուցում ենք հենդ այդ ֆուտբոլիստների շուրջ։ Մենք ընկերական ենք բաժանվել ու հաջողություն ենք մաղթել իրեն։ Այո, բարդ է, նման ֆուտբոլիստ կորցնելը, քանի որ նա մեծ ծավալի աշխատանք էր կատարում ու լավագույն ռմբարկուն էր։

-Նախապատրաստական շրջանի մասին

-Մենք գիտեինք, թե ուր ենք գնում։ Գիտեինք, թե ինչ մրցակիցների հետ ենք խաղալու։ 22 օրվա ընթացքում արել ենք այն՝ ինչ պլանավորել էինք։ Նման հավաքները հիմք են երկարատև արդյունքի։