Ֆարուլը տարին ավարտեց պարտությամբ․ Նարեկ Գրիգորյանը մասնակցեց հանդիպմանը (տեսանյութ)

Ռումինիայի առաջնության 21-րդ տուրում «Ֆարուլը» հյուրընկալվել էր «Ունիվերսիտատեա Կրայովային» ու զիջեց նվազագույն հաշվով։

Հանդիպման միակ գոլը հեղինակեց Յովո Լուկիչը՝ 27-րդ րոպեին։

Հայաստանի ազգային հավաքականի ֆուտբոլիստ Նարեկ Գրիգորյանն ընդգրկված էր հյուրերի մեկնարկային կազմում ու փոխարինվեց 81-րդ րոպեին։ Հայ ֆուտբոլիստը 55-րդ րոպեին զգուշացվեց դեղին քարտով։

Սա «Ֆարուլի» տարվա վերջին հանդիպումն էր 2025 թվականին։ Կոնստանցան ներկայացնող ակումբը 27 միավորով 10-րդ տեղում է։