Ինչպես տեղեկացնում է «Նոայի» մամուլի ծառայությունը, կիսապաշտպան Արտակ Դաշյանը հեռացել է ակումբից։
«Երկկողմանի համաձայնությամբ Արտակ Դաշյանն այլևս չի խաղա «Նոայի» կազմում։ Արտակը մեր թիմին էր միացել 2024 թվականի ամռանը և «Նոայի» կազմում դարձել է Հայաստանի չեմպիոն, Հայաստանի գավաթակիր, ինչպես նաև երկու անգամ նվաճել Կոնֆերենցիաների լիգայի լիգայի փուլի ուղեգիր։ Լավագույնն ենք մաղթում Արտակ Դաշյանին հետագա կարիերայում»,-նշված է ակումբի հայտարարության մեջ։
36-ամյա ֆուտբոլիստը «Նոայի» կազմում մասնակցել է 31 հանդիպման՝ դառնալով 1 գոլի ու 5 գոլային փոխանցման հեղինակ։
