Անցնող տարին մեզ համար նշանավորվեց մի շարք ձեռքբերումներով․ Ավանդական Կարատեի ֆեդերացիայի նախագահ Սուրեն Մաթևոսյան
Հայաստանի ավանդական կարատե դո ֆեդերացիայի նախագահ Սուրեն Մաթևոսյանը շնորհավորել է Ամոնորի ու Սուրբ ծննդյան տոների կապակցությամբ․ «Սիրելի՛ մարզիկներ, մարզիչներ, ծնողներ և ավանդական կարատեի մեծ ընտանիքի անդամներ,
Հայաստանի ավանդական կարատեի ֆեդերացիայի անունից սրտանց շնորհավորում եմ ձեզ Նոր տարվա և Սուրբ Ծննդյան կապակցությամբ։
Անցնող տարին մեզ համար նշանավորվեց մի շարք ձեռքբերումներով, մասնավորապես, փայլուն ելույթներ ունեցանք Եվրոպայի ու Ասիայի առաջնությունում, Եվրոպական մանկապատանեկան գավաթի խաղարկությունում, ինչպես նաև մի շարք միջազգային մրցաշարերում։ Գալիք տարին մրցաշարերի հագեցվածությամբ ու կարևորությամբ չի զիջելու նախորդին, ուստի ես ցանկանում եմ, որ 2026-ը լինի մեծ հաղթանակների տարի։
Թող գալիք տարին լինի խաղաղ, առողջ, հաղթանակներով լի, նոր նպատակներով ու ձեռքբերումներով։ Թող ձեր կամքը լինի ամուր, ոգին՝ մարտական, իսկ հավատը՝ անսասան։
Շնորհակալ եմ բոլորիդ նվիրվածության, աշխատասիրության և միասնականության համար, որոնց շնորհիվ մենք շարունակում ենք զարգացնել ավանդական կարատեն Հայաստանում։
Բարի, հաջողություններով ու նոր հաղթանակներով լի տարի բոլորիս»,-Սուրեն Մաթևոսյանի խոսքերն է փոխանցում Հայաստանի ավանդական կարատե դո ֆեդերացիայի ֆեյսբուքյան էջը:
