Հայկ Մարտիրոսյանը հաղթեց Մագնուս Կարլսեին

Կայծակնային շախմատի աշխարհի առաջնության 14-րդ տուրում Հայկ Մարտիրոսյանը հաղթել է համաշխարհային դասակարգման աղյուսակի 1-ին համար Մագնուս Կարլսենին։

Պարտիան ավարտվել է 69-րդ քայլին։ Մարտիրոսյանին մնացել էր 10, Կարլսենին՝ 4 վայրկյան։ Նորվեգացի գրոսմայստերը իր քայլի ընթացքում անզգուշաբար շրջել է խաղաքարերից մի քանիսը ու ընդունել պարտությունը։

Հատկանշական է, որ պարտիայի առաջին քայլը կատարել է Մադրիդի «Ռեալի» նախկին ֆուտբոլիստ Խոսելուն, որն այս պահին հանդես է գալիս «Ալ-Գարաֆայում»։

Մարտիրոսյանը, որն այս պահին ունի 10 միավոր, բաժանում է 4-ից 12-րդ տեղերը՝ 1 միավոր զիջելով առաջատարներին։