Ինչպես տեղեկացնում է «Փյունիկի» մամուլի ծառայությունը, հունվարի 18-ից փետրվարի 19-ը ակումբն ուսումնամարզական հավաք կանցկացնի Արաբական Միացյալ Էմիրությունների Աջման քաղաքում՝ նախապատրաստվելով մրցաշրջանի երկրորդ հատվածին։
«Մեկամսյա ուսումնամարզական հավաքի ընթացքում մեր թիմը բացի ամենօրյա մարզումներից, կանցկացնի նաև ստուգողական խաղեր։ Մրցակիցների և հանդիպումների ժամանակացույցի մասին կտեղեկացնենք լրացուցիչ»,-նշված է հայտարարության մեջ։
Հիշեցնենք, որ Արտակ Օսեյանի գլխավորած թիմը Հայաստանի առաջնությունում անցկացրած 14 խաղից հետո 29 միավորով 3-րդ տեղում է։
