«Շնորհակալ ենք, Օգնյեն, բարձր պրոֆեսիոնալիզմի, անկոտրում կամքի և մեր երազանքների ճանապարհին մեզ հետ լինելու համար: Միասին ապրել ենք անմոռանալի պահեր ու ֆուտբոլային ֆանտաստիկ դրվագներ, և այս հիշողությունները հավերժ կմնան մեր ակումբի պատմության մեջ: Հաջողություն ենք մաղթում քեզ հետագա ֆուտբոլային կարիերայում»,-նշված է ակումբի հայտարարության մեջ։

Ըստ լուրերի, 36-ամյա դարպասապահը կարիերան կշարունակի սերբական ԻՄՏ-ում: Չանչարևիչը «Նոային» էր միացել 2024 թվականի հունվարին՝ ակումբի կազմում մասնակցելով 61 հանդիպման, ընդունելով 66 գոլ ու դրանցից 23-ում անառիկ պահելով սեփական դարպասը: Օգնյենը դարձել էր նաև 1 գոլի հեղինակ՝ Կոնֆերենցիաների լիգայի 2024/25 մրցաշրջանի որակավորման 3-րդ փուլի հունական ԱԵԿ-ի դեմ 1-ին խաղում։