Արարատ-Արմենիան երկարաձգել է պայմանագիրը 4 հայ ֆուտբոլիստի հետ

Հայաստանի կրկնակի չեմպիոն «Արարատ-Արմենիան» երկարաձգել է պայմանագիրը թիմի ավագ Արմեն Համբարձումյանի, կիսապաշտպան Կարեն Մուրադյանի, պաշտպաններ Էդգար Գրիգորյանի ու Կամո Հովհաննիսյանի հետ։

«Միասին մենք շարունակում ենք պայքարը, քանի որ միասին մենք կարող ենք»,-նշված է ակումբի տարածած հայտարարության մեջ։

Հայաստանի առաջնությունում «Արարատ-Արմենիան» անցկացրած 15 խաղից հետո 34 միավորով գլխավորում է մրցաշարային աղյուսակը։